Sot do hidhen dhjetra bomba gazi dhe ujë me bojë të kuqe

Teksa kanë mbetur rreth një orë nga nisja e protestës së opozitës dhe njëkohësisht edhe seancës plenare, policia ka nisur me zbatimin e planit të masave para Parlmentit.

Mbi 1000 forca të policisë, uniformave blu, repartit ‘Shqiponja’, FNSH-së dhe Gardës së Republikës do të sigurojnë mbarëvajtjen e protestës.

Ndërkaq, që prej orëve të para të mëngjesit para godinës së Parlamentit janë vendosur tashmë forcat e policisë. Godina e parlamentit është rrethuar me skela, ndërsa 200 efektivë do të angazhohen për mbrojtjen e deputetëve.

Ndërkaq, burime e bëjnë me dije se policia këtë herë do të përdorë fillimisht ujë me presion, i cili ka në përmbajtje ngjyrues. Kjo bëhet për shkak se policia do hedhë ujë vetëm në drejtim të personave që do jenë të dhunshëm për t’a pasur më pas më të lehtë identifikim e tyre.

Pas hedhjes së ujit, ashtu ni në protestat e kaluara edhe këtë herë policia do të përdorë gazin lotjsjellës për të larguar turmën.