Tragjike/ Humb jetën edhe nusja shtatzënë pas aksidentit

Rritet bilanci i viktimave të aksidentit që ndodhi gjatë ditës së sotme, në rrugën Shkodër-Koplik. Sipas policisë së Shkodrës ka ndërruar jetë dhe 18-vjeçarja Esmeralda Bajrakurti, e cila ishte dhe shtatzënë.

18-vjeçarja ishte duke kaluar rrugën së bashku me vjehrrën, Hasmije Bajrakurti 58-vjeç, kur u përpasën nga një automjet tip “Volkswagen Sharan”.

Nga përplasja, 58-vjeçarja Hasmije Bajrakurti humbi jetën menjëherë, ndërsa nusja u nis me urgjencë në spital në gjendje të rëndë.

Fatkeqësisht ajo nuk ka mundur të mbijetojë. Policia ka arrestuar drejtuesin e mjetit ndërsa po heton shkaqet që sollën këtë aksident.