Votoni LSI-në, se do ndryshojmë Shqipërinë

Kryetarja e Lëvizjes Socialiste për Integrim Monika Kryemadhi shprehet e bindur se në maj vendi do të shkojë në zgjedhje të parakohshme.

“Jam e bindur. Do të kemi zgjedhje të parakohshme në Maj. Duhet që të organizohemi për zgjedhjet. Të përgatitemi për kandidatët e ardhshëm”- tha Monika Kryemadhi para komitetit drejtues të LRI.

Sa i përket kandidatëve nga listat e LSI që pranuan të marrin mandatin e deputetit, pas vendimit në bllok të opozitës për të djegur mandatet, Monika Kryemadhi i quajti tradhtarë ata dhe se nuk ka për t’i falur asnjëri,

Ndërkohë duke folur për protestën e opozitës para Kuvendit, Kryemadhi tha se “kemi marrë masat tona, dhe Lleshaj nuk na ndalon dot me gaz lotsjellës”.

Më tej ajo deklaroi se sot jemi përballë një grushti njerëzish që përfaqësojnë ideologji kriminale, përfaqësojnë krimin e organizuar që ka ndërtuar kështjellën mbrojtëse në Shqipëri.

“Falenderoj kandidatët e LSI që nuk u joshën nga paratë e drogës, qëndruan përballë çdo presioni. Ata që kontaktojnë kandidatët e LSI, mos guxojnë t’ju afrohen, se të gjithë i mbajnë mend. Kur ishit në pushtet nuk i hapnit telefonin njerëzve të LSI, por përkundrazi i keni rrjepur ata. 

Një shprehje popullore thotë: Ujku qimen e ndërron por zakonin s;e harron”,  ne e dimë shumë mirë. Ata që kërkojnë të përdorin emrin e LSI të jenë të kujdesshëm se nuk ka për t’jua falur asnjëri. Logoja e LSI është simbol i pacënueshëm. Mëkatet e njerëzve që hyjnë e dalin në listat tona, ne do t’i paguajmë. Tradhtinë e përdorin të gjithë, por tradhtarin asnjë nuk e do.

Protesta nuk është politike. Njerëzit nuk dalin as për Lulin e as për monikën. njerëzit në shesh kanë daë për hallet e tyre, ashtu si protesta e studentëve për çmimet e taksat e larta, kushtet e mjerueshme e hsumë problematika të tjera që sollën një protestë madhështore. 

Pakënaqësia nuk ishte as opozitare as nga një grusht njerëzish por e qindra e mijëra studentëve që i dhanë një mësim të mirë jo vetëm opozitës por të gjithë atyre njerëzve që nuk janë dakord me reformat e qeverisë e diktaturën e realitetin e hidhur e më poshtërues që kanë kaluar shqiptarët që nga 1990.

Përplasja jonë nuk ka të bëjë me Europën e as ndërkombëtarët por me këtë sekt kriminal që ka kapur drejtësinë shqiptare, shtetin, qeverinë, institucionet shqiptare. Kemi dëgjuar se si ndihma ekonomike do kishte një rishpërndarje por u zvogëlua, u përjashtuan familje dhe sot shqiptarët janë më të varfër se ç’kanë qenë 5-6 vite më parë.

Neveria është jashtëzakonisht e madhe për këtë grup njerëzisht që kanë kapur shtetin. Mos kujtoni se njerëzit do tolerojnë që dikush të vendosë për fatet e tyre. Shqiptarët janë një popull i vogël, i varfër por e kanë pasur të vështirë për t’u nënshtruar. Janë bashkuar dhe kanë dalë për ekonominë e fëmijët e tyre. 

Janë 400 mijë shqiptarë që janë larguar nga Shqipëria. Janë larguar me qindra mijëra për shkak të pasigurisë, arsimit. Janë larguar mjekë dhe infermierë”, u shpreh kryetarja e LSI-së.(TemA)