Grabitësi i vrarë në Rinas, shoqërohet në polici gruaja e Admir Muratajt

Është shoqëruar sot në policia gruaja e Admir Muratajt, i cili dyshohet të jetë personi i vrarë në Rinas, ku policia shkëmbeu zjarr me grabitësit.

Ndërkohë vëllai i Muratajt ka deklaruar se nuk kanë dijeni nëse bëhet fjalë për Admir Muratajt, dhe kërkon konfirmimin e policisë.

Vëllai i Muratajt shprehet se familja po merr ngushëllime, ndonëse nuk është konfirmuar zyrtarisht se personi i ekzekutuar është Admiri.

Nga kqyrja fizike e bërë nga policia dhe grupet hetimore, mësohet se personi që mbeti i vrarë dje në aksionin e grabitjes së mbi 10 mln eurove në Aeroportin e Rinasit ka karakteristika të ngjashme me ato të Admir Muratajt.

Megjithatë fjalën e fundit pritet ta thotë ekspertiza me analizat e ADN-së.