Kondomi që hapet me katër duar, “nuk ka marrëdhënie pa konsensus”

Duhen katër duar për të hapur këtë kondom të ri dhe kjo për të rritur ndërgjegjësimin për rëndësinë e konsensusit në një marrëdhënie seksuale.

Ky kondom është hedhur në treg nga Tulipan, një kompani argjentinase. Ai është quajtur “kutia e dëshirës” dhe është një pako e vogël që përmban një prezervativ.

Tulipan është një kompani që shet lojëra për të rritur dhe kondomë. Në reklamimin e gjerë nëpër mediat sociale, lexojmë slogane të dizajnuara nga Tulipan për të rritur ndërgjegjësimin dhe dëshirën.

“Nëse nuk është një po, është një jo” dhe “Pa pëlqim nuk ka aspak kënaqësi” thuhet në videon promocionale, së bashku me hashtagun #PlacerConsentido (“kënaqësi e lejuar”).

Drejtuesi kreativ i BBDO në Argjentinë, Joaquins Campins dhe Christian Rosli, i treguan CNN se si lindi projekti.

Kompania Tulipan gjithmonë është shprehur për një kënaqësi të sigurtë, por për këtë fushatë kemi kuptuar se duhet të flasim për gjënë më të rëndësishme në çdo marrëdhënie seksuale: kënaqësia është e munduar, vetëm nëse ekziston konsensusi mes dy partnerëve”.

Ky kondom është i kufizuar për momentin dhe i është dhënë vetëm klientëve të dyqanëve në Buenos Aires. Megjithatë, ideja e Tulipan është që të fillojë shitjet në internet në të ardhmen.

Kutia e dëshirës u hartua pas publikimit të një shifre shqetësuese se 20.5 për qind e meshkujve argjentinas kurrë nuk përdorin një kondom për mbrojtje gjatë një marrëdhënie seksuale, kundrejt 65 për qind e atyre që përdornin kondom herë pas here dhe vetëm 14.5 për qind e meshkujve që e përdorin rregullisht./ Gazeta Liberale