Plagosi kryeplakun në Gramsh, arrestohet i riu

Personi që plagosi me armë zjarri kryeplakun e fshatit Gribë në Gramsh është arrestuar. Mësohet se ai është shtetasi V.S., 25 vjeç.

Ngjarja

Një plagosje me armë zjarri ka ndodhur në Gribë të Gramshit. Shtetasi 54-vjeçar, kryeplaku i fshatit ka mbetur i plagosur për shkak të një sherri.

Autori i plagosjes është identifikuar si shtetasi me iniciale S.V. Ky i fundit mbrëmjen e djeshme në fshatin Gribë, Gramsh, për motive të dobëta dyshohet se ka plagosur me armë zjarri shtetasin T.V., 54 vjeç dhe është larguar.

“Zbardhet  ngjarja e ndodhur  në fshatin Gribë të Gramshit, ku një shtetas u plagos me armë zjarri në këmbë, jashtë rrezikut për jetën. Identifikohet dhe shpallet në kërkim autori“, – thuhet në njoftimin e policisë.

Ndërkohë 54-vjeçare mësohet se është jashtë rrezikut për jetë.  /Gazeta Liberale