Rama takon Tsipras në Kroaci

Kryeministri Edi Rama ka mbërritur në Kroaci, ku do të zhvillojë një takim me kryeministrin grek, Alexis Tsipras.

Në këtë takim pritet që të diskutohet çështja e kufirit detar.

Kujtojmë se dy krymeministrat mbajnë edhe postin e ministrit të Jashtëm. Ndërsa dialogu mes dy vendeve u fut në ngërç pas ngjarjes së tetorit të vitit të kaluar, ku u vra nga forcat RENEA në Gjirokastër ekstremisti grek Kostandinos Kacifas.

Takimi do të zhvillohet ditën e sotme, në Dubrovnik ku palët marrin pjesë në Samitin e 8-të të vendeve të Evropës Qendrore, Lindore, Juglindore dhe Republikës Popullore të Kinës.