Rusët e pëlqejnë diktatorin sovjetik, Jozef Stalin

Diktatori sovjetik Jozef Stalin edhe pse terrorizoi popullin e tij, për herë të parë një sondazh tregon se shumica e rusëve e shohin atë në një mënyrë pozitive.

Qendra Levada në muajin mars arriti të realizojë në 137 qytete të Rusisë një pyetësor me persona të moshës 18-vjeç e lart, duke zbuluar se 51 për qind e të pyeturve e respektojnë dhe madje e admirojnë figurën e Stalinit.

Në vitet 1930 terrori komunist i Stalinit përfshiu BRSS, duke dërguar miliona persona në kampet e punës ose para skuadrave të pushkatimit.

Megjithatë, fitorja sovjetike ndaj Gjermanisë naziste është një burim i krenarisë kombëtare.

Rezultati i këtij sondazhi është vlerësimi më i lartë për Stalinin në 20 vitet e fundit. Kjo është një periudhë që ka parë portretin e tij të rishfaqet në të gjithë Rusinë, shpeshherë me miratim zyrtar. Statuja të reja të Stalinit janë vendosur në vende të ndryshme.

Madje një gazetë ruse botoi lajmin me titull: “Stalini Superstar”. Rusët mund të blejnë kalendarë me imazhe të stalinit dhe suvenire të tjera./ Gazeta Liberale