Samsung prezanton telefonin e parë me teknologji 5G

Samsung të premten prezantoi Galaxy S10 5G, telefonin e parë në botë të pajisur me teknologjinë e gjeneratës së pestë të komunikacionit, ndërsa Koreja e Jugut përpiqet të marrë pozicionin udhëheqës në sistemin transformues.

Koreja e Jugut u bë vendi i parë në botë që lancoi rrjetin 5G ditën e premte. Tre operatorë kryesorë vendas nisën shërbimet e tyre 5G në orën 11 sipas orës lokale. Bashkë me SHBA, Kinën dhe Japoninë, Koreja e Jugut ishte përfshirë në garën për titullin e ofruesit të parë në botë të rrjetit ultra të shpejtë. Por, spekulimet në media se një kompani amerikane mund të niste shërbimet e saj 5G më herët, detyruan koreano-jugorët të organizoheshin me urgjencë.

Ekspertët thonë se ky rrjet është 20 herë më i shpejtë se 4G. Kjo do të thotë përdoruesit mund të shkarkojnë filma të plotë në më pak se një sekondë.