Shpërthim tritoli në Fushë-Krujë

Një shpërthim i fuqishëm tritoli ka ndodhur në një ofiçinë në fshatin Kamberas të Fushë-Krujës.

Shpërthimi ka ndodhur rreth orës 03:00 të mëngjesit në ofiçinën e shtetasit me iniciale B.D. 36-vjeç.

Dyshohet se sasia e lëndës plasëse të vendosur në ofiçinë ka qenë 200 gram.

Për fat të mirë si pasojë e shpërthimit nuk ka pasur persona të lënduar.

Ende nuk dihet shkaku përse është vendosur sasia e lëndës plasëse në ofiçinën e 36-vjeçarit.

Policia ndodhet në vendin e ngjarjes dhe po heton për zbardhjen e saj dhe identifikimin e autorit.