“Zonja Makbeth e Ballkanit”, ndërron jetë!

Mira Markoviç, e veja e ish presidentit jugosllav Sllobodan Millosheviç, ka ndërruar jetë në Rusi në moshën 76-vjeçare.

Vdekjen e saj e konfirmojnë edhe mediat e huaja.

E njohur si “Zonja Makbeth e Ballkanit”, Mira Markoviç ishte një figurë e rëndësishme politike gjatë rënies së Jugosllavisë në vitet 1990.

Ajo ishte një nga këshilltaret më të besuara të bashkëshortit të saj Sllobodan Millosheviç, para se ai të arrestohej në vitin 2001.

Millosheviç ndërroi jetë në vitin 2006, teksa po mbahej në gjykatën e OKB-së për krime lufte në Holandë. Ai ishte akuzuar për genocid dhe krime lufte, në kuadër të rolit të tij kryesor në luftërat e viteve 1990 që përçanë Ballkanin.

Mira dhe Sllobodan ishin të martuar për 4 dekada dhe ishin të pandarë, deri sa Millosheviç u ekstradua.

Mira Markoviç pati edhe partinë e saj politike të quajtur “E majta e bashkuar Jugosllave neo-komuniste (JUL)”.

Para se të takonte bashkëshortin e saj, Markoviç kishte një fëmijëri të vëështirë. Nëna e saj ishte një partizane e cila u kap nga nazistët në vitin 1942.

Në vitin 2003, Markoviç u largua nga Serbia, ku ajo u akuzua për shpërdorim të pushtetit dhe u dyshua për kontrabandë e cigaresh dhe vrasje politike.

U bënë bashkë nga historitë tragjike familjare.

Markoviç dhe Millosheviç u lidhën në Pozarevac, qyteti i lindjes së Millosheviçit dhe u martuan në vitin 1965.

Ata që i njihnin mirë thanë se çiftin e bashkonin historitë tragjike familjare. Prindërit e Millosheviç u vetëvranë. Ndërsa e ëma e Markoviç la bashkëshortin për shkak të diferencave politike gjatë Luftës së Dytë Botërore dhe iku.

Image result for mira markovic Slobodan Milosevic

Ata u bënë me dy fëmijë, vajza Marija dhe djali Marko. Vajza Marija u largua nga familja pas vdekjes së të atit në vitin 2006 dhe ka jetuar në Mal të Zi.

Partitë opozitare serbe e quajtën atë “Shtriga e Kuqe” për shkak të qëndrimit të saj politik. Ajo iku në Rusinë pasi drejtësia serbe filloi hetimin e rasteve të korrupsionit, si dhe kërcënimet dhe vrasjet ndaj gazetarëve dhe kundërshtarëve politikë të çiftit./Gazeta Liberale

Leave a Reply

Your email address will not be published. Required fields are marked *