Aksident në Elbasan, barriera metalike futet mes për mes makinës

Një aksident i rëndë ka ndodhur sot në mëngjes në rrugën Elbasan-Labinot. Një makinë e tipit Opel është përplasur me barrierët anësore të rrugës.

Makinës me targa greke i është futur barriera metalike mes për mes. Për fat të mirë si pasojë e aksidentit nuk ka pasur viktima apo të lënduar.

Policia ndodhet në vendin e ngjarjes dhe po punon për zbardhjen e rrethanave të aksidentit.