Akuzat për përdhunime, Weinstein arrin marrëveshjen 44 milionë dollarëshe

Harvey Weinstein raportohet se ka arritur një marrëveshje paraprake prej 44 milionë dollarë me gratë që e akuzuan për sjellje të pahijshme seksuale.

Sipas Wall Street Journal, marrëveshja u arrit të enjten pas negociatave midis Weinstein, akuzueseve të tij, anëtarëve të bordit të studios së tij dhe zyrës së avokatit të New York.

Marrëveshja do të zgjidhë paditë dhe do të kompensojë viktimat e pretenduara të përdhunimit të producentit të Hollywood.

Nëse marrëveshja do të finalizohet, do të zgjidhte gjithashtu një padi për të drejtat civile të ngritur nga zyra e prokurorit të përgjithshëm të New York vitin e kaluar. Në padi akuzohen drejtuesit ekzekutivë dhe bordin e Weinstein Co për dështimin e mbrojtjes së punonjësve nga një mjedis armiqësor pune dhe sjellja e pahijshme seksuale e Weinstein, sipas Journal.

Në tarifën prej 44 milionë dollarë, rreth 30 milionë do shkojnë për të mbuluar shpenzimet e avokatëve të paditëseve.

Por nuk dihet ende se kush nga gratë akuzuese është përfshirë në marrëveshje.

Rreth 14 milion dollarë do të përdoren për të paguar pagesat ligjore të bashkëpunëtorëve të Ëeinstein-it, përfshirë ish-anëtarët e bordit të tij, që u akuzuan si të pandehur në padi.