Arrestimi i policëve, reagon Haradinaj: Ftoj serbët…

Pas aksionit në Mitrovicë ka reaguar kryeministri i Kosovës, Ramush Haradinaj.

Ai ka thënë se me urdhër të Prokurorit, në gjithë Kosovën aktualisht është duke ndodhur një operacion policorë, i drejtuar ndaj individëve të përfshirë në kontrabandë, krim të organizuar dhe vepra të tjera kriminale.

“Me urdhër të Prokurorit, në gjithë Kosovën aktualisht është duke ndodhur një operacion policorë, i drejtuar ndaj individëve të përfshirë në kontrabandë, krim të organizuar dhe vepra të tjera kriminale. 
Disa prej personave të përfshirë në këto vepra janë zyrtarë doganorë, policë por edhe qytetarë të rëndomtë.

Operacioni u zhvillua me sukses edhe në Komunat Veriore të Kosovës. 
Si Kryeministër i vendit, konfirmoj se bëhet fjalë për zbatimin të ligjit dhe asgjë tjetër. 
Ftoj serbët e veriut ta ruajnë qetësinë dhe ta respektojnë ligjin! RH’”,- shkruan Haradinaj në Facebook.

Mediat kosovare flasin për disa të arrestuar, mes tyre edhe zyrtarë policie nga Kosova dhe Serbia që të gjithë persona të dyshuar se janë përfshirë në “krim të organizuar” dhe vepra të tjera penale.

Gjithashtu janë plagosur edhe dy efektivë policie.