Arrestohet shoferi që “i mori jetën” gruas në Peqin

Dje ndodhi një aksident tragjik në aksin Peqin-Rrogozhinë, ku humbi jetën një grua dhe u plagosën disa të tjerë.

Ndërsa sot policia njofton se ka vënë në pranga drejtuesin e mjetit që dyshohet se shkaktoi tragjedinë.
Sipas policisë në pranga është vënë F.H.,27 vjeç, banues në Korçë.

Njoftimi i policisë:

Në vijim të informacionit të dhënë në lidhje me aksidentin e ndodhur me datë 03.05.2019 në aksin rrugor Peqin – Rrogozhinë, në përfundim të veprimeve të para të kryera nga Specialisët e Qarkullimit Rrugor në DVP Elbasan, u bë arrestimi i shtetasit:

F.H.,27 vjeç, banues në Korçë, pasi duke drejtuar mjetin tip “Toyota” është përplasur me një mjet tjetër dhe si pasojë ka gjetur vdekjen shtetasja F.B., 65 vjeçe, banuese në Korçë, si dhe janë dëmtuar dhe dy shtetas të tjerë, jashtë rrezikut për jetën, të cilët ishin pasagjer në mjetin “Toyota”.

Materialet hetimore i kaluan Prokurorisë pranë Gjykatës së Shkallës Parë Elbasan për veprën penale “Shkelje e rregullave të qarkullimit rrugor”.