Asnjë gjurmë nga 55-vjeçari në Sarandë, kërkohen polumbarët nga Tirana

Ende nuk ka asnjë gjurmë nga trupi i 55-vjeçarit, Arben Shaqiri, që  dyshohet se u mbyt pasditen e së dielës(12 maj 2019) në lumin Bistrica në Sarandë.

Sipas djalit 15-vjeçar që e pa për herë të fundit, i ati ishte i dehur dhe në gjendje të rënduar psikologjike.

Ramiz Begani, kryetar i komunitetit rom në Sarandë akuzon autoritetet se nuk po bëjnë asgjë për kërkimin e trupit.

Edhe pse kanë kaluar dy ditë nga mbytja, ai thotë se polumbarët nga Tirana nuk kanë mbërritur ende.

Ai kam paralajmëruar se operacioni për kërkimin e tij nuk fillon deri në mesditë, i gjithë komuniteti rom do të protestojë para policisë së Sarandës për të kërkuar të drejtën e tyre si qytetarë në radhë të parë, pastaj për trupin e të ndjerit.

Dyshimet kryesore janë për një vetëflijim në kushte të rënduara psikologjike.

55-vjeçari, Arben Shaqiri,  kishte vetëm 4 ditë që kishte dalë nga burgu pas dënimit për dhunë në familje, ndërsa në vitin 2005, familjes i kanë abuzuar dhe vrarë një fëmijë.

Prej pasdites së të dielës, familjarët dhe banorë të zonës kanë kontrolluar në lumë por pa sukses për trupin e 55-vjeçarit.