Atentati me armë në Vlorë, 33-vjeçari emër i njohur për policinë

Ky është Romarjo Alliraj, 33 vjeçari të cilit iu bë atentat me armë një ditë më parë (12 maj), pranë Urës së Mifolit.

I riu mësohet se nuk është një person i panjohur për policinë. Burime nga blutë e Vlorës bëjnë me dije se 33-vjeçari Alliraj ka qenë i dënuar për mashtrim por edhe i dyshuar për lëndë narkotike.

Pikërisht këto dy pista po hetohen edhe nga policia për të shkuar në gjurmët e autorëve.

Persona të paidentifikuar qëlluan me breshëri automatiku pasditen e të dielës në drejtim të automjetit tip “Golf” me targa AA 864 SV me të cilin po udhëtonte 33-vjeçari.

Si pasojë e të shtënave me armë, Alliraj humbi kontrollin duke dalë nga rruga dhe si pasojë mbeti i plagosur.

Alliraj u dërgua në spital dhe pasi ka marrë ndihmën mjekësore është shoqëruar në polici për tu marrë në pyetje.

Dyshohet për dy autorë-Drejt tij është qëlluar 25 herë, nga dy persona që ndodheshin në një tjetër makinë. Fillimisht është qëlluar nga prapa makinës ndërsa më pas përpara saj, në drejtim të shoferit.