Atentati në Vlorë, me porosi nga Greqia? Si iu zunë pritë dy të rinjve

Një vrasje e porositur nga Greqia? Të paktën këto anë dyshimet e para mbi atentatin që ndodhi pak pas mesnate në Novoselë të Vlorës, ku humbi jetën Sotiraq (Raqi) Mëhilli 22 vjeç dhe u plagos 32-vjeçarin Eno Mataj, shoku i tij.

Dy personat ishin duke udhëtuar me një motor kur u qëlluan me breshëri automatiku. Policia ngre mundësinë e atentatit në formën e pritës. Sipas këtij varianti, Mëhilli e Mata janë pritur deri sa të kthehen për në banesat e tyre, teksa në mes të rrugës janë qëlluar me breshëri kallashnikovi, duke i lënë fillimisht të dy të plagosur rëndë.

 

Ata janë dërguar drejt spitalit Rajonal të Vlorës, por 22-vjeçari Mëhilli nuk u ka mbijetuar plagëve në trup. Dhe siç është bërë e zakonshme tashmë. Edhe pas kësaj ngjarjet si në tjerat, një makinë e djegur “Benz” u gjet në afërsi të fshatit Bishan, vetëm pak kilometra larg vendit të ngjarjes.

Në automjet janë gjetur të shkrumbuar edhe 2 kallashnikovë, armë që dyshohet të jenë përdorur në atentat. 22-vjeçari i mbetur i vdekur në atentat rezulton i pa skeduar nga policia dhe pa të kaluar kriminale.

Por shoku i tij i plagosur Eno Mata, ishte rikthyer prej pak muajsh nga Greqia, ku ishte përfshirë dhe dënuar për një seri grabitjesh, madje i dyshuar dhe për vrasjen e një avokati. Mixali Zaferopolos është vrarë si pasojë e një betimi për hakmarrje ndaj vrasjes së shqiptarit Ilia Kareli në burgjet greke.