Basha përgatitet për luftë, thotë se 2 qershori do jetë fundi i Edi Ramës

“2 Qershori do të jetë fundi i Ramës në pushtet”. Kështu u shpreh Lulzim Basha gjatë takimit që po zhvillon me qytetarët në Tiranë.

Sipas tij, rrëzimi i kësaj tiranie, siç e quan ai, është në dorën e njerëzve, ndaj i ftoi ata të jenë pjesë e protestës të së dielës, para kryeministrisë.

Basha: “98% e sipërmarrësve kanë një pyetje; Kur do ta hidhni? Kur do ta rrëzoni? Sot është rasti, këtu në Tiranë, të flas hapur dhe sinqerisht për këtë pyetje. Pyetja nuk i drejtohet vetëm Bashës, PD apo opozitës. Përgjigjen po e jap unë në emër të të gjithëve: Ejani të dielën në ora 19:00, bëjuni pjesë e çlirimit të Tiranës dhe Shqipërisë nga kjo bandë kriminelësh. Protesta është rruga e vetme e përballjes, e rezistencës e rrëzimit të së keqes në pushtet.

Në cilin vend njerëzit ulin kokën kur në njeri ju merr taskat e 4 viteve e ja jep një njeri për ti ndarë më pas. Ta hamë turpin me bukë ose të çohemi, të përballemi derisa ta rrëzojmë këtë bandë. Është në dorën e njerëzve. Tirania është në orët e fundit.