Festa u kthye në tragjedi/ Flasin familjarët e policit që vdiq dje

Dje humbën jetën në një aksident automobilisti Ervin Dervina, Oficer i Kontaktit i Shqipërisë pranë Qendrës për Forcimin e Ligjit në Evropën Juglindore (SELEC), si dhe bashkëshortja e tij, shtetase rumune.

Sakaq sot kanë folur familjarët e tij në Elbasan të cilët thonë se ishin tre makina me diplomatë, por fatkeqësisht vetëm çifti ka humbur jetën.

Familjarët thonë se të dy bashkëshortët ishin pasagjerë të njërës nga makinat. Ata kishin shkuar në një fshat turistik për të festuar ditëlindjen e gruas së Ervinit, ku i pranishëm ishte edhe ambasadori shqiptar në Bukuresht.

Gjatë kthimit nga festa ndodhi aksidenti i tmerrshëm i cili u mori jetën dy bashkëshortëve.