Foto/ Kush është “i forti” i Myslym Shyrit që vrau ish-policin

Personi i dyshuar për vrajen e ish-policit Arben Bilali në Tiranë, është 40-vjeçari, Gjergj Cukali lindur dhe banues në Tiranë.

Ai është dënuar më parë për veprat penale të “prodhimi dhe shitje të narkotikëve’”, “armëmbajtja pa leje” dhe “rrëmbim personi”.

Gjergji Cukali është një nga personazhet më të njohur për Policinë e kryeqytetit. Cukali njihet edhe si një nga “të fortët” e rrugës “Myslym Shyri” në Tiranë pas disa ngjarjeve të përsëritura në këtë zonë.

Njoftimi i policisë

Sektori i Hetimit të Krimeve Ndaj Jetës dhe Pronës, në D.V.P.Tiranë, në bashkëpunim me Prokurorinë e Rrethit Gjyqësor Tiranë, në lidhje me ngjarjen e ndodhur në datë 30.01.2019, ku në rrugën ‘’Isuf Banka’’ në Tiranë, është vrarë me armë zjarri shtetasi A.B., 50 vjeç, pas një pune të mirëorganizuar është arritur të bëhet zbulimi dhe dokumentimi ligjor i kësaj ngjarje, ku është bërë kapja dhe ndalimi i autorit të dyshuar:

Gj. C., 40 vjeç, lindur dhe banues në Tiranë, i dënuar më parë për veprat penale të “Prodhimi dhe shitja e narkotikëve’”, “Armëmbajtja pa leje” dhe “Rrëmbim personi”

Materialet në ngarkim të shtetasit Gj. C., iu referuan Prokurorisë së Rrethit Gjyqësor Tiranë, për veprat penale penale “Vrasje me paramendim e kryer në bashkëpunim” dhe “Prodhim dhe mbajtje pa leje te armeve luftarake”.

Ngjarja

Arben Bilali, ish-polic u ekzekutua në janar të këtij viti nga tre persona të maskuar pranë shtëpisë së tij në Selitë në kryeqytet.

Arben Bilali baba i tre fëmijëve gjeti vdekjen rrugës për në spital. Ngjarja e rëndë ndodhi rreth orës 14:30, kur Bilali sapo kishte zbritur nga makina tip “Hyundai” dhe do të shkonte në shtëpinë e tij.

Në këtë moment ai është qëlluar me breshëri, me të paktën 14 plumba, nga një armë automatike.