Gazi-lotsjellës / FRPD: Ka erë rë keqe

Protestuesit ne protesten e katert kombetare diten e djeshme

Rrjeti i Studentëve Europian, pjesë e të cilët janë edhe të rinjtë e forumit rinor të Partisë Demokratike kanë reaguar në lidhje me përdorimin e gazit lotsjellës nga ana e policisë.

Përmes një deklarate, ky rrjet tha se janë dëshmitarë të dhunës së policisë ndaj qytetarëve dhe Sekretarit organizativ të PD, Sahit Dollapit.

Deklarata e plotë:

EDS (Rrjeti Studentëve Demokratik) ishte duke festuar mbylljen e një takimi të suksesshëm të Këshillit në Tiranë në mbrëmjen e 11 majit, kur papritur një erë gazi helmues u ndje në restorantin ku ne ishim. Të tmerruar dhe në vështirësi për të marrë frymë, u strehuam brenda dhomave të mbyllura të restorantit. Sekretarja e Përgjithshme, Sara Juriks, e cila nuk mori pjesë në protestë por ishte e pranishme vetëm në ceremoninë gjatë darkës në Kalanë e Tiranës, filloi të kishte shqetësime dhe të rinjtë e FRPD-së thirrën një ambulancë për ta çuar në spital.

Gjatë mbrëmjes së djeshme ne ishim dëshmitarë të dhunës së vazhdueshme të qeverisë dhe policisë kundër protestuesve të cilët u përndoqën, u dhunuan dhe u arrestuan. Një prej tyre ishte z. Sait Dollapi, Sekretari Organizativ i PD. ‘Krimi’ I tij i vetëm ishte se ai u përpoq të vinte një maskë e cila do ta mbronte atë nga gazi helmues. Momentalisht ne jemi të gjithë shëndoshë e mirë bashkë me miqtë tanë shqiptarë, në pritje për tu larguar nesër në mëngjes.