Grabitën banesën në Peqin, 3 në pranga, 1 në kërkim

Uniformat blu kanë vënë në pranga 3 persona, mes tyre edhe një grua, për grabitjen e një banesë në Peqin, duke marrë një sasi të konsiderueshme parash

Të rinjtë me iniciale B.H., 30 vjeç,  M.Ll., 27 vjeç, banues në Peqin dhe  E.Sh., 27 vjeçe , banuese në Durrës dyshohet se bashkëpunim me njëri-tjetrin kanë vjedhur banesën e shtetasit me iniciale S.Z.,   në datën 08 maj.

“Arrestimi i tyre u bë pasi, dyshohen se në bashkëpunim me njëri- tjetrin, më datë 08.05.2019, kanë vjedhur në banesën e shtetasit S.Z.,  një sasi të kosiderueshme parash,”-raporton policia.

Ndërsa është shpallur në kërkim një prej autorëve të dyshuar të vjedhjes 19-vjeçari me iniciale S.I.

Materialet hetimore në ngarkim të shtetasve të lartëpërmendur i kaluan Prokurorisë pranë Gjykatës së Shkallës Parë Elbasan për veprën penale ” Vjedhja”.