Grida Duma skeptike ndaj protestave një/mujore: “Pushteti merret me votë, jo me tymuese”

Ish-deputetja Grida Duma, me shumë delikatesë e diplomaci ka artikuluar një kritikë për lidershipin e PD.

Një ditë para protestës së 13 majit organizuar nga opozita, Duma tha për ‘Top Talk’ se duhet qartësi e plotë me forumet e larta të partisë të cilat duhet të angazhohen në vendimmarrje për të maksimalizuar forcën.

Sipas Dumës, duhet një një strategji e qartë dhe jo thjesht pjesëmarrje protestash.

‘PD do vijë në pushtet me votë nuk është lufte për pushtet por për sistem. Unë theksoj që qytetarët duhet të kuptojnë që kemi luftën për rregullat e sistemit jo për pushtet.  Ikja e Ramës kryeministër ruan institucionet; qendrimi i Ramës kryeministër do rrëzojë institucionet. Ne nuk po vendosim për Kryetarin e PS ne po luftojmë për institucionet e vendit.

Duhet qartësi e plotë me forumet e larta të partisë të cilat duhet të angazhohen në vendimarrje më shumë për të maksimizuar forcën opozitare. Vetëm qartësia e strategjisë  dhe delegimi i pergjegjësive në forume jo thjeshtë ne pjesëmarrje protestash do të kompaktësoje qendresën e opozitës në këtë betejë të vështirë. Domosdoshmëri paralele është qartësia e ekipit; nese PD ka anëtarësime të reja do të thotë që është e pregatitur të mbështesë platformen e zhvillimit. Nëse kërkojmë të rregullojmë sistemin politik duhet të jemi paralel në ofertë duke sistemuar pergjegjësite e ekipit dhe ofertës sonë’, u shpreh Duma.

Leave a Reply

Your email address will not be published. Required fields are marked *