I futet në shtëpi dhe godet 41-vjeçaren, arrestohet i riu në Pukë

Një 27-vjeçar është arrestuar nga policia e Pukës, pasi ka dhunuar një 41-vjeçare në shtëpinë e saj.

Burime nga policia thanë se shtetasja B.B, banuese në Fushë-Arrëz është goditur në banesën e saj nga shtetasi M.N, edhe ky banues në Fushë-Arrëz, i dënuar më parë për vjedhje me dhunë.

Policia ka bërë shoqërimin e shtetasit të dyshuar M. N, i  cili njihet si person me probleme të shëndetit mendor, i cili pritet të dërgohet në Spitalin Psikiatrik nr.5 Tiranë.

Materialet iu referuan Prokurorisë së Rrethit Gjyqësor Puke, për veprat penale “Dëmtime të tjera me dashje” dhe “Dhunimi i banesës” parashikuar nga neni 90 dhe 112   i Kodit Penal, në gjendje të lirë në ngarkim të shtetasit M.N