“Ju flet Moska”: Këpucët e Zarifes thonë të vërtetën e vdekjes së saj

Ngjarja në Letoni, ku humbi jetën nëntetarja Zarife Hasanaj dhe u plagosën dy ushtarakë të tjerë ishte në fokus të analizës së emisionit të sotëm “Ju flet Moska” nga Kastriot Myftaraj në RTV Ora.

Myftaraj: Vrasja e ushtarakes shqiptare Zarife Hasanaj me mision në Letoni, vdekja e Zarifes është një ngjarje që në mediat shqiptare kaloi si një aksident, u pasqyrua me nota melodramatike.

Por a është vërtet një aksident vdekja e Zarifes? Zarifes nuk ju tha se kishte shkuar në një zonë lufte. U tha se Zarifja u vra duke spastruar terrenin nga minat e mbetura por të mbetura nga kush? Letonia nuk ka qenë ndonjëherë në luftë që prej Luftës së Dytë Botërore.

Njoftimi zyrtar i ushtrisë është se ushtarakja u vra kur po përgatiste terrenin për shenjestrat me të cilat do të bëhej një qitje me tanke nga kompani polake pjesëmarrëse në stërvitjen ndërkombëtare të vendeve të NATO-s.

Kjo është krejt tjetër nga pastrimi i minave. E kam thënë në titull që këpucët ushtarake thonë të vërtetën. Fakti që ushtarakët tanë atje as këpucët nuk i kanë me standardin e NATO-s del qartë se edhe sa mungesa të tjera kanë ata.

Pse ushtarakët tanë duken si delja e zezë atje dhe kanë turp të rrinë përkrah të tjerëve që nga këpucët që veshin? Ishte vrasja e Zarifes një krim shtetëror dhe jo një aksident?