Kolegji Zgjedhor hedh short për padinë e PD e të LSI kundër KQZ

Më 18 maj sekretari zgjedhor i PD-së Ivi Kaso, së bashku me përfaqësuesin e LSI shkuan në KQZ dhe dorëzuanlistën e anëtarëve të opozitës në KZAZ.

Por në mbledhjen e radhës më 23 maj, KQZ ia u refuzoi listën duke vendosur që të mos mos regjistrojë komisionerët e Partisë Demokratike si dhe të LSI-së.

“Pranoni komisionerët e PD ose do ndiqeni penalisht”, kështu u shpreh sekretari zgjedhor i PD-së, Ivi Kaso në mbledhjen e KQZ-së, ku katër anëtarë votuan kundër komisionerëve të PD-së dhe LSI-së.

Dhe si duket nuk ka qenë vetëm një “kërcënim”. Sot Kolegji Zgjedhor ka hedhur short për padinë e PD kundër KQZ-së.

Trupa gjykuese për këtë padi do të kryesohet nga ana e Lindita Sinanajt. Anëtarë në gjykim do të jenë Artur Malaj, Tomorr Skreli, Ridvan Hado dhe Astrit Kalaja.

Kolegji Zgjedhor ka hedhur short edhe për padinë e LSI kundër KQZ. Trupa gjykuese do përbëhet nga Ridvan Hado si kryesues, kurse anëtarë do të jenë Artur Malaj, Tomorr Skreli, Gjin Gjoni, Lindita Sinanaj.