Ky është njeriu që zbuloi klitorin: Ekziston me të vërtetë

“Nëse e prekni ndërsa gruaja është e etur për seks, e emocionuar dhe si një valë e zhurmshme, dëshiron një njeri, kjo pjesë ngurtësohet dhe shtrihet disi. I dashur lexues, nuk ka asnjë dyshim: është vendi më i njohur i kënaqësisë femërore”. Jemi në vitin 1559 dhe anatomisti Realdo Colombo sapo ka zbuluar klitorin.

Si i ngjashmi i tij (Cristoforo) që e zbuloi në shekullin e kaluar, Realdo gjithashtu kishte dëshirë të zbulonte të gjitha detajet e kësaj Amerike të vogël të trupit femëror: ekziston diçka në mesin e këmbëve të grave “një lloj i ngjashëm me organin mashkullor, tamam si meshkujt, nëse stimulohet, provokon spazma të çuditshme nervore”, shkroi ai në veprën e tij studimore “De Re Anatomica”.

Dhe kjo Amerikë e vogël me cilësi unike ku “të gjithë e kanë atë dhe të gjithë e kënaqin”, Realdo Colombo e kishte verifikuar gjatë viteve të gjata të studimit empirik. “Amor Veneris vel dulcedo”: ishte emri romantik i rilindjes së asaj që ne të gjithë e njohim sot si “klitori”.

Në raportin e tij, Realdo Colombo dha detaje në lidhje me zbulimin e saj. Nëse e ngacmoni me organin mashkullor ose e prekni me gisht, për shkak të kënaqësisë, prodhohet një farë që përhapet kudo, më shpejt se ajri”.

Realdo Colombo iu referua sekrecioneve vaginale që ai e përkufizoi si “spermatozoidet e gruas, të dendura dhe të shkëlqyera”. Realdo gjithashtu shtoi se këto sekrecione janë prodhuar brenda “testiseve femërore, pak më të mëdha dhe më të qëndrueshme se ato të meshkujve”.

Edhe pse sot këto përshkrime mund të bëjnë dikë të buzëqeshë, është e nevojshme të futesh në frymën e kohës dhe të kuptosh se para Realdo Colombos, asnjë studiues kurrë nuk kishte studiuar seriozisht anatominë femërore ose nuk u kishte atribuar emra të posaçëm organeve seksuale të grave. Përkundrazi, do të ishte e nevojshme të pritej deri në vitin 1700 për pjesët intime të femrave që të kishin specifikat e tyre krejt të dallueshme nga ato mashkullore.

Megjithatë, zbulimi i klitorit ishte shumë i dashur për Realdo Colombon, i cili gaboi që u tregoi eprorëve të tij studimin që kishte kryer. Ndoshta nga zilia, ose dhe nga konformizmi, ai u denoncua për herezi. Kur Realdo Colombo vdiq, pak pas publikimit të De Re Anatomicës së tij, nxënësi që kishte pasur, i quajtur Gabriele Falloppio pretendoi se kishte qenë ai që kishte zbuluar klitorin.

Përveç zbulimit të klitorit, gjithashtu Realdo Colombo kujtohet edhe për zbulimin e qarkullimit pulmonar, ose qarkullimin e vogël. Studimet e tij në këtë fushë hapën rrugën për zbulimin e qarkullimit të gjakut nga William Harvey./ Gazeta Liberale