Lëreni Sokolin të prehet në paqe!

Kur dikush largohet nga kjo botë njerëzit ngushëllojnë familjarët dhe të afërmit “u prehte në paqe”! Sokol Olldashi u nda nga jeta gjashtë vite më parë në një aksident tragjik. Të gjithë, edhe ata që nuk kishin lënë llaf pa thënë e sulm pa i bërë pa iu dridhur zëri ngushëlluan nënën e tij Kozetën, apo bashkëshorten Kelën duke uruar që ai të prehet në paqe. Hipokrizisë nuk ke çi bën, disa njerëz mbase e heqin këte maske vetem kur flene gjume.

Por përgjatë këtyre viteve, pas ndarjes së tij nga jeta, hija e Sokolit i përndoqi ditë e natë vrasësit e tij (të kuptohemi, po flas për ata që e vranë për së gjalli jo për akisdentin). Një luftë e tërbuar u ndërmor ndaj të gjithë atyre që ishin miqtë e tij më të afërt. Servilët e enturazhit të Bashës, ata që u vetëquajtën “Republika e Re” nuk linin njeri pa sulmuar, në oborrin e Shqupit, në rrjete sociale, kudo. Nëse lavdëroje Sokolin ishte armik, s’kishe punë me PD-në e re tashmë. Pjesa më e madhe e miqve të tij dhe bashkëpunëtorëve më të afërt u spastruan, mbijetoi vetëm ndonjë servil që iu lëpi kryetarit dhe mbi të gjitha të famshmit Kunat dhe grua, se helbete ata vendosin aty, janë bashkëpronar në atë parti, ortak 50 me 50%.

Sot edhe pas këtyre viteve shkatërrimi të Partisë Demokratike, çdo qelizë të saj, strukturave etj, ëndrrës dhe bindjeve të çdo demokrati, themeluesi e kontribuesi në këto 29 vite, e në kushtet ku ndodhet pas djegies së mandateve, e cila po rezulton një vetëvrasje e mirëfilltë që do e tkurri PD edhe më tej, u kujtuan sërish për Sokolin, për ta vrarë sërish atë, tamam si ai vrasësi që nuk ngopet duke i ngulur thikën edhe më thellë viktimës së tij.

Sot Lulzim Basha, për të shptëuar menderen e tij, përdori djalin e madh të Sokolit, Glauk Olldashin. Duke e quajtur Sokolin bashkëpunëtor, a thua se po fliste për Gaz Bardhin, përdori praninë e djalit të tij në një takim me të rinj të EDS (edhe këtu mashtroi, nga 35 të rinj që kishin ardhur tha janë 300). E neveritshme! Glauk Olldashi është një djalë i ri që po ndjek universitetin. Shumë i ri për të kuptuar mbase efektin e gjestit të tij, i ri mbase të kuptojë kush është më e mirë për të dhe për të nderuar emrin e të atit të tij, i ri për të kuptuar nëse po përdoret apo keqpërdoret. Sigurisht vendin Glauku e ka në PD ( në fakt këtu ka vend për diskutim se çfarë është ajo që sot quhet PD por ta lëmë për një herë tjetër), dhe nuk ka asnjë diskutim për këtë. Por ky afrim i tij duhet të vijë natyrshëm, duke ruajtur një fare privatësie, jo të përdoret për të shpëtuar kokën e Lulit që do tu hedhi hi syve njerezve e tu thotë që ja kam mbështetjen e familjes së Sokolit dhe do afroj kështu njerëzit e tij.

Në këto pesë vite të ndarjes nga jeta të Sokolit, në përvjetoret e vdekjes së tij ku të afërm, miq e shokë janë mbledhur gjithmonë për ta kujtuar e për të ngushëlluar familjen e tij Lulzim Basha apo Sali Berisha nuk janë dukur kurrë. Ti lëmë ditët e tjera se në ato sjanë dukur e sjanë dukur. Flamur Noka, ai që shkonte spiunonte te Berisha se kush punonte për fushatën e Sokolit, ai që mbushi kutitë me vota që Luli të fitonte 80% kundrejt 20%, etj etj, tamam si ai vrasësi që rikthehet në vendin e krimit, kërkon të lajë mëkatet e tij me ata djem. Ai sot për të fituar kapital politik, pra ja të afrova Glaukun ndaj më shpërble, e tradhëtoi sërish ish mikun e tij Sokol, i përdori fëmijët, gjënë më të shtrenjtë që ai ka lënë pas. Por Lulzim Bashën të jesh i sigurt ti Flamur dhe kushdo që ka dyshime, nuk e shpëton dot asgjë. Aq sa e shpëtoi foto me Trump në mes të fushatës, aq do e shpëtojë dhe ky perdorim i Glaukut sot. Luli është një dështak dhe ska asgjë që e nxjerr nga bataku ku është futur, as Sali Berisha se shpëton dot më. Efekti që kjo e sotmja ngjalli te çdokush ishte thjesht një neveri. E sigurt që i neveritur do ishte dhe Sokoli po ta shihte. Ndaj një këshillë për të gjithë: lëreni Sokolin të prehet në paqe, boll e përdorët!/CNA.al