Lleshaj: Qindra persona po i shmangen drejtësisë

Ministri i Brendshëm, Sandër Lleshaj gjatë mbledhjes së organizuar nga vetë ai u ndal edhe te personat e shpallur në kërkim.

Ai tha se policia ka për detyrë që kjo listë e personave që i fshihen drejtësisë të shkurtohet.

“Krimi i organizuar mbetet sfida e madhe që kërkon hetimin e krimit të organizuar dhe plotësimin e parametrave që kanë nevojë dhe detyrim i joni për t’u përmbushur. Në fushën e krimit të organizuar është prioritet kapja e personave në kërkim. Vendi ka një listë shumë të gjatë të personave që i shmangen drejtësisë. Ka qindra persona që i shmangin drejtësisë. Përgjegjësia është ulja e kësaj liste. Keni një listë, e cila kërkohet të ulet. Të merremi emër më emër për të gjitha ata që i janë shmangur drejtësisë”, – tha Lleshaj.