“Luftë” në Manchester, ofertë faraonike për yllin e Realit

Lufta për supremaci midis Manchester City dhe United ka prodhuar gjithmonë emocion për fansat.

Tani dy “gjigandët” anglezë po tentojnë të joshin yllin e Real Madridit, Isco.

Trajneri i madrinelëve, Zinedine Zidane, nuk e ka në planet e tij spanjollin dhe një largim i mundshëm drejt Anglisë shihet si opsion i mirë nga lojtari.

Sipas mediave spanjollë, skuadrat e Manchesterit janë të gatshme të paguajnë klauzolën e lojtarit prej 120 milionë eurosh.

Tani i mbetet 27 vjecarit të zgjedhë të ardhmen e tij. Isco u bashkua me Realin në vitin 2013 nga Malaga.