Masakra në Mat, kërkohet burg përjetë për autorin

Prokuroria e Burrelit ka kërkuar burg përjetë për 51-vjeçarin Kujtim Koxha, i akuzuar për vrasjen e trefishtë në fshatin Shëlli të Matit.

Më 11 tetor të vitit të kaluar, Koxha vrau 2 punëtorë të Bashkisë së Matit dhe një bashkëfshatarin e tyre. Ai ka dalë para gjykatës ku prokurori i çështjes lexoi pretencën.

Prokurori Abaz Muça kërkoi burgim të përjetshëm, por avokati ka kërkuar që të shtyhet seanca, që u vendos më 3 qershor.