Mesha përkujtimore për Kacifas, ndalohen 9 grekë në Kakavijë

Teksa kanë kaluar gjashtë muaj nga vrasja e minoritarit grek Kostandin Kacifas, në fshatin Bulerat do të zhvillohet sot mesha përkujtimore. Në pikën e kalimit kufitar në Kakavijë 9 grekë nuk janë lejuar të hyjnë në Shqipëri.

9 shtetasit grekë kanë deklaruar se vinin në Shqipëri për ceremoninë përkujtimore të Kacifas. 5 prej tyre janë kthyer mbrapsht me argumentin se cënonin sigurinë publike, ndërsa 4 të tjerë për mosplotësim të kushteve për të hyrë në vendin tonë.

Kostandin Kacifas u vra nga policia gjatë shkëmbimit të zjarrit në fund të tetorit të vitit të kaluar, ndërsa ngjarja shënoi tensione diplomatike mes dy vendeve. Ceremonia mortore u shoqërua me incidente në nëntor të 2018, ndërsa Shqipëria shpalli non grata 52 ekstremistë grekë.