Messi udhëheq Barcelonën drejt finales së Championsit

Barcelona hipotekon finalen e madhe të UEFA Champions League për sezonin 2018-2019.

Katalanasit mposhtën 3-0 Liverpool në takimin e parë gjysëmfinal, falë një paraqitje fenomenale të yllit të saj, Lionel Messi.

“Pleshti” argjentinas ngriti peshë të gjithë stadiumin “Camp Nou”, duke shënuar një ndër golat më të jashtëzakonshëm të karrierës së tij.

Ylli i katalanasve realizoi një dopietë personale dhe thelloi distancën me ndjekësit në garën për golashënuesin e kompeticionit.

Llogaritë e takimit të luajtur në “Camp Nou” i hapi Luis Suarez, i cili shfrytëzoi në maksimum një top të hedhur në zonë nga Alba.

Me këtë rezultat u mbyll pjesa e parë, ndërkohë që një aksion fenomenal i Barcelonës në minutën e 75-të nxori në pah vlerat e Lionel Messit.