Modelja shqiptare në krah të Paolo Bonolis në Mediaset

Modelja shqiptare Alba Vejseli është zgjedhur në rolin e “Madre Natura” ( Nëna Natyrë) në spektaklin televizit “Ciao Darwin” drejtuar nga prezantuesi i njohur Paolo Bonolis, çdo të premte në kanalin 5 të Mediaset.

Me një trup mjaft të bukur, 1 e 74 cm e gjatë, sy blu, flokë gështenjë dhe e veshur me bikini,ashtu siç e kërkon roli i saj si “Madre Natura”, Alba Vejseli ka bërë menjëherë për vete publikun italian e veçanërisht meshkujt.

Dhe pse është shfaqja e parë e saj në një spektakël televiz italian, modelja shqiptare ka pozuar më parë për të promovuar rajonin e  Puglias apo dhe si fotomedele në reklama të ndryshme.

Nën drejtimin e Paolo Bonolis, prej 10 vitesh “Ciao Darwin” është nga spektaklet më të sukseshëm të Mediaset. Personazhi i ‘Nënës Natyrë’ me anë të globit-tokë që rrotullohet zgjedh konkurrentët e dy skuadrave të garojnë në lojëra argëtuese mes tyre.