Ka nisur protesta e opozitës para Kryeministrisë. Me gjithë reshjet e shiut, protestues nga rrethet dhe kryeqyteti janë mbledhur para kryeministrisë për protestën e pestë kombëtare të thirrur sot nga opozita.

Ndërkohë Kryeministria është e rrethuar me gardh metalik dhe ka një numër të madh policësh në terren.

Në protestë janë edhe banorët e Unazës së Re të veshur me jelekë portokalli. Protesta e sotme erdhi si vendim në mbylljet të protestës së 11 majit, të shtunën që përfundoi me ndalimin e sekretarit organizativ të PD Sahit Dollapi.