Opozita sot sërish në rrugë

Edhe pse së fundmi ka pasur ftesa të vazhdueshme nga kryeministri Rama për kreun e PD-së Lulzim Bashën që të ulen dhe të dialogojnë, ky i fundit vijon me axhendën e tij.

Sot opozita organizon protestën e gjashtë kombëtare. Lideri i opozitës thekson se kryefjala e kauzës së opozitës së bashkuar është largimi i kryeministrit Rama dhe krijimi i qeverisë tranzitore. Sipas Bashës, këto janë dy parakushte që do të ndihmojnë në zgjidhjen e krizës politike, e cila prej kohësh në fakt është shoqëruar me argumente dhe akuza të forta në distancë mes palëve.

Sot opozita proteston para godinës së kryeministrisë në orën 19:00, e cila sipas drejtueseve të partive opozitare, do të jetë protesta më e madhe e organizuar ndonjëherë gjatë historisë së pluralizmit politik në Shqipëri.