Përballet me Vettingun gjyqtari që votoi kundër Dritan Dajtit

Kryetari i Gjykatës së Apelit në Shkodër, Fuat Vjerdha po përballet me Vettingun.

Vjerdha është një nga 2 gjyqtarët që votuan kundër heqjes së dënimit me burg përjetë ndaj Dritan Dajtit në apelin e krimeve.

Sipas KPK Vjerdha u është nënshtruar të 3 komponentëve të vetting-ut, të pasurisë, pastërtisë së figurës dhe aftësive profesionale.

Në lidhje me pasurinë, ILDKPKI, ka dorëzuar një raport me konstatimin se deklarimi është i saktë dhe në përputhje më ligjin. Në raport thuhet se Vjerdha nuk ka kryer fshehje të pasurisë dhe deklarim të rremë.