Përmbyset anija me udhëtarë, 10 të vdekur, 8 të zhdukur

Të paktën 10 persona humbën jetën dhe 8 të tjerë rezultojnë të zhdukur, pasi një anije që transportonte udhëtarë u përmbys në një lumë në jugperëndim të Kinës.

Lajmi u bë publik nga televizioni i Kinës, i cili tha se ngjarja ndodhi në fshatin Banrao të provincës Guizhou.

Si pasojë e këtij aksidenti u shpëtuan disa persona, mes të cilëve edhe kapitani. Të lënduarit u dërguan në spital, ndërsa po punohet për shkaqet e mbytjes së anijes.