Plas servilizmi me flamurë gjerman dhe amerikan

VIDEO/ Vetëm 2 orë e gjysmë protestë, ndërkombëtarët ‘çarmatosin’ opozitën

Një protestë paqësore. Protesta e gjashtë kombëtare e opozitës joparlamentare kundër qeverisë, u mbajt ndryshe nga të tjerar. E nisur në orën 19:00 me mbledhjen e simpatizantëve para kryeministrisë, protesta kulmoi me një fjalim të liderit demokrat Lulzim Basha para godinës së kryeministrit Rama rreth orës 20:00. Pati vendosmëri nga ana e tij se nuk do të ketë asnjë hap drejt zgjidhjes politike të krizës, nëse kreu i qeverisë nuk largohet nga pushteti. Basha përmendi sërish qeverinë tranzitore dhe zgjedhjet e parakoshhme.

Një ndryshim të dukshëm nga protestat e tjera që kanë shpërthyer në dhunë, e bëri edhe vetë Lulzim Basha, teksa tashmë e quajti një miting.

Më tej pati një marshim drejt Parlamentit të Shqipërisë, ku u shënua një incident i vogël, të cilën u mundua ta shuajë shumë shpejt sekretari i Përgjithshëm i PD-së, Gazmend Bardhi pas thirrjes së policisë për qetësië.

Tubimi u mbyll në 21:30, pas dy orë e gjysmë, me një fjalim të liderit demokrat Lulzim Basha në selinë blu.

Edhe kryetarja e LSI-së Monika Kryemadhi bëri thirrje për të mos pasur akte dhunë në protestë, pasi këto veprime nuk do të ishin gjë tjetër, veçsë pikë për Edi Rama.

Ndërkombëtarët njëzëri, bënë sërish apel që protestat të jenë paqësore, dhe vetë udhëheqësit politikë të opozitë të garantojnë që protesta të mos ketë akte dhunë, në të kundër pjesëmarrësit do të vihen përballë përgjegjësisë. Ambasadat e SHBA-ve dhe e BE-së bënë apel që palët të ulen ënë dialog konstruktiv, ndërsa kryesuesi i delegacionit të BE-së, Luigi Soreca, bëri thirrje që palët “të mbështeten në ofertën ekzistuese për dialog me synim për të gjetur një rrugëdalje nga situata aktuale politike si një çështje urgjente”.

Protesta e sotme vjen në një moment ndryshe nga tubimet e tjera, pasi ndërkombëtarët, konkretishtGjermania ka shprehur gatishmërinë për të ndërmjetësuar krizën politike në Shqipëri, por Basha i ka vendosur kusht Berlinit për dialogun duke kërkuar largimin e kryeministrit Rama.  Kreu i qeverisë Edi Rama është shprehur i gatshëm për dialog, por se data 30 qershor nuk negociohet. Presidenti Metashprehu gatishmërinë ditën e djeshme për të shtyrë datën e zgjedhjeve nëse ka vullnet politike duke dorëzuar edhe mandatin e tij për zgjidhjen e krizës.

Në gatishmëri ishin mbi 1300 efektivë policie.

Ora 22:06

PD vendos: Protestë më 31 maj kur çelet fushata elektorale për zgjedhjet e 30 qershorit

1558814879_mbledhjetepd.jpg

Kryedemokrati Lulzim Basha ka mbledhur në selinë e Partisë Demokratike ish-deputetët pak pas përfundimit të protestës. Mësohet në takim është vendosur se data e protestës së radhës do të jetë në 31 Maji. Është zgjedhur pikërisht 31 maji, si dita kur Edi Rama ka deklaruar se nis zyrtarisht fushatën elektorale për zgjedhjet e 30 qershorit 2019 të cilat opozita jokuvendore i ka bojkotuar.