Presidenti Meta dhe zonja e parë Kryemadhi, drekë festive me gazetën Koha Jonë dhe gazetarin Nikollë Lesi

Kryemadhi shkon te tavolina e Metes dhe pershendet gazetaret

Sot është 28-vjetori i ‘Koha Jonë’ gazetës së themeluar si e pavarur me datë 11 Maj 1991 nga botuesi Nikoll Lesi.

Pikërisht nga kjo gazetë kanë hedhur hapat e parë, gazetarët dhe analistët që i shohim sot në çdo ekran, shkruan newsbomb.al.

28-vjetori shënjoi me një festë të madhe në periferi të Tiranës, pikërisht te ‘UKA Farm’, ku janë mbledhur personazhe të njohur. Të ftuar specialë janë edhe Presidenti Ilir Meta dhe bashkëshortja e tij, kryetare e LSI Monika Kryemadhi.

Meta dhe Kryemadhi janë ulur në tavolina të veçanta edhe pse në fund janë përshëndetur me njëri-tjetrin. Çifti tregohet i kujdesshëm dhe i rezervuar edhe kur vjen puna te organizimet informale, si ky i sotmi.

Koha Jonë ka bërë bashkë sot edhe personazhe të cilët shpesh i kemi parë të debatojnë e përplasen nëpër studio si Andi Bejtja, Armand Shkullaku, Anila Basha, Ylli Rakipi, Enton Abilekaj etj.

Bie në sy edhe prezenca e Ben Blushit, ish-kreut të LIBRA-s tashmë drejtor i Top Channel i cili është ulur në një tavolinë me Presidentin bashkë me manjatin e medias Irfan Hysenbelliu e ‘trurin’ e Fiks Fare’, Filip Çakuli.

Kryetarja e LSi, pasi ka përshëndetur tavolinën ku ndodhej bashkëshorti i saj Ilir Meta, ka preferuar të ulet veçmas, në një tavolinë me Ylli Rakipin.

Hidhini një sy fotove të newsbomb.al për të kuptuar më shumë nga atmosfera e ditëlindjes së 28-të të ‘Koha Jonë’.