Qarkullonte me armë zjarri me vete, arrestohet 39-vjeçari në Përmet

Policia ka vënë në pranga një 39-vjeçar që qarkullonte me armë me vete në Përmet.

Gjatë operacionit të koduar “VINOKASHI”, u arrestua në flagrancë shtetasi me iniciale I.V., banues në fshatin Çepunë, Gjirokastër.

Ai u kap në aksin rrugor Ballaban-Këlcyrë, në vendin e quajtur “Kthesa e Fshatit Ujëmirë”.

“Operacioni “VINOKASHI” nisi pas një telefonate nga qytetarët se një shtetas lëvizte me armë zjarri pa leje. Gjatë kontrollit të ushtruar në mjetin me të cilin ky shtetas udhëtonte si pasagjer, iu gjet dhe sekuestrua në cilësinë e provës materiale një armë zjarri (pistoletë TT) dhe 45 fishekë,”-raportoi policia.

Materialet i kaluan Prokurorisë së Rrethit Gjyqësore Përmet për hetime të mëtejshme për veprën penale “Prodhim dhe mbajtje pa leje e armëve luftarake dhe municionit”, parashikuar nga neni 278 i Kodit Penal.