Rama kërkon LIVE të kontrrollohet pasuria e tij dhe familjes Berisha: “Nëse dalim njësoj, të largohemi të dy”

Sali Berisha i ka dërguar pak më parë një pyetje moderatorit Blendi Fevziu, që ky i fundit tja lexonte Ramës.

Berisha shkruante se nëse Rama pranon të bëj testin e drogës, ai do të pranonte të gjitha çfarë kryeministri tha për të mbrëmjen e sotme. Mirëpo Rama në një përgjigje të befasishme jo vetëm që pranoi të bënte testin e drogës por bëri dhe një sfidë të drejtëpërdrejtë.

Kryeministri tha se ishte i gatshëm madje që nëse Berisha pranonte, ti bëhej VETTING I PASURISË atij bashkë me familjen e vetë, Lulzim Bashës bashkë me familjen e vetë, Metës bashkë me familjen e vetë dhe Ramës me familjen po ashtu, dhe nëse dilte se janë njësoj atëherë të largohen të gjithë nga politika.

Mesazhi i Berishës: Është i gatshëm të bëj testin e drogës. Po nuk doli i vërtetë unë i pranoi të gjitha çfarë më tha

Rama: Unë këtij njeriu nuk i jap përgjigje. Ama unë jam i gatshëm të bëj këtë por dhe një gjë tjetër. Kam qenë dhe jam kundër vettingut të politikanëve se mendoj se atë e bën SPAK dhe BKH. Por unë jam i gatshëm nëse ky bashkë me familjen e tij, Lulzim Basha bashkë me familjen e tij dhe Meta bashkë me familjen e tij, janë gati ti nënshtrohen vettingut të pasurisë, dhe unë sigurisht përpara një trupe që të respektoj të njëjtat normat që ndjekin për prokurorë në VETTING dhe nëse në fund dalim të gjithë njësoj dhe të thonë këta të ikin nga jeta politike, unë jam gati të ikim.

Kush përsërit shumë një akuzë për tjetrin i bën vet. Jam gati. Po jam gai. Nëse vettingu i pasurisë nxjerr që të gjithë jemi njësoj, le të ikim të gjithë’, përfundoi Rama.