Rama kthehet nga Berlini, mbledh me urgjencë grupin parlamentar

Kryeministri Edi Rama ka mbledhur sot grupin parlamentar të Partisë Socialiste për të prezantuar ndryshimet në Kodin Penal. Mbledhja është bërë pas kthimit të Ramës nga samiti i Berlinit. Ai tha se samiti nuk kishte asnjë lidhje me integrimin e Ballkanit Perëndimor.

“Nuk kisha parë kurrë më parë dezinformim, keqinformim më të madh mediatik dhe politik, sesa tërësia e marrëzirave dhe ligësive që u shoqëruan dhe pasuan në pasqyrat e mediave në Tiranë dhe Prishtinë, samiti nuk kishte asnjë lidhje me negociatat, asnjë samit për integrimin e Ballkanit perëndimor”, u shpreh Rama.