Reagon SHBA / Shuplakë opozitës vjetër

Ambasada Amerikane në Tiranë dënon ashpër dhunën e përdorur nga opozita gjatë protestës së sotme, e nisur prej orës 18:30.

Në reagimin e fortë të Ambasadës thuhet se dhuna shkon kundër objektivit të deklaruar të opozitës për të forcuar demokracinë në Shqipëri.

‘Ambasada e SHBA dënon dhunën e pranishme gjatë protestës së sotme. Objektivi i deklaruar i opozitës për ta bërë demokracinë e Shqipërisë më të fortë shkon kundër dhunës që është duke u ushtruar nga protestuesit. Dhuna është thelbësisht jodemokratike dhe duhet të ndalojë. Drejtuesit e protestës kanë përgjegjësinë të nxisin qetësi. Iu bëjmë thirrje të gjitha palëve që të tregojnë vetëpërmbajtje’, thuhet në reagimin e Ambasadës Amerikane në Tiranë.