Robben në radarin e Interit?

Për Arjen Robben dhe Frank Ribery ky do jetë sezoni i fundit në Munich. Lajmin e konfirmoi vetë klubi bavarez, që zyrtarizoi ndërprerjen e bashkëpunimit në fund të sezonit me dy nga sulmuesit anësor më të mirë të historisë së klubit

Robben dhe Ribery ishin pa diskutim dy nga lojtarët kryesor që udhëhoqën Bayernin drejt triumfit në Ligën e Kampionëve në vitin 2013 dhe kanë qenë protagonistë absolutë në shumë suksese të bavarezëve në Gjermani.

Për Frank Ribery, Bayern pritet të jetë klubi i fundit në karrierë pasi francezi duket  nuk ka në plan që të vijojë të luajë, por Roben nuk ka ndërmend që të ndalet.

Holandezi dëshiron që të luajë të paktën edhe një tjetër sezon. Së fundmi për të ka shfaqur interes Interi. Klubi zikaltër shpreson që sezonin e ardhshëm të luajë në Ligën e Kampionëve dhe eksperienca e holandezit do tu bënte mjaft punë.

Megjithatë Roben po shqyrton të gjitha ofertat. Një  mundësi është rikthimi në kampionatin holandez tek PSV Eindhoven.  Tulipani fluturues ka oferta edhe nga kampionati japonez, apo nga Emiratet e bashkuara arabe.