Ruçi flet për vizat dhe opozitën pas vizitës në Holandë

Në një prononcim për mediat nga Holanda kreu i Kuvendit, Gramoz Ruçi tregoi se çfarë u diskutua gjatë vizitës së tij në Holandë.

Ruçi foli edhe për rezolutën e zbatuar në parlamentin holandez, në të cilën kërkon rikthimi i regjimit të vizave për Shqipërinë. Ruçi tha se disa deputetë holandezë i kanë thënë se kjo rezolutë nuk do të zbatohet.

“Sa i takon rezolutës së parlamentit holandez për vizat, një nga deputetët hollandez që votoi rezolutën, tha se nuk do zbatohet”, – shpreh Ruçi.

Kryeparkamentari ka folur edhe për opozitën, terksa ka theksuar se vendi ka një opozitë parlamentare.

“Shqipëria ka një opozitë parlamentare. Zonja Hajdari, në takimet këtu në Hollandë, deputetë dhe miq të Hollandës, paraqiti mendimet e saj opozitare, objektive dhe realiste, dhe shprehu se hapja e negociatave është interes kombëtar. Takimet kane qenë të hapura dhe nuk jam pyetur asnjëherë për opozitën jashtëparlamentare, pasi braktisja e institucioneve dhe parlamentit është e pakuptueshme. Shqipëria ka një parlament dhe një mazhorancë dhe i vetmi mekanizëm për të lëvizur këtë mazhorancë, janë mocionet e besimit, mosbesimit dhe zgjedhjet. Nuk jam ndjerë asnjëherë i rrezikuar nga protestat e opozitës”, – theksoi kryeparlamentari Ruçi.