RUDINA HAJDARI I URON SHËRIM TË SHPEJTË SAHIT DOLLAPIT DHE BËN THIRRJE: TË SHMANGIM PËRPLASJEN VËLLAZËRORE SOT

Deputetja e Kuvendit, Rudina Hajdari para pak sekondash i ka uruar shërim të shpejtë demokratit Sahit Dollapi teksa ka bërë thirrje që sot të shmanget përplasja.

‘Duke marrë parasysh pasojat e dhunës të së shtunës dhe duke i uruar shërim të shpejtë Sahit Dollapit dhe të gjithë të lënduarëve, uroj që të shmangim përplasjen vëllazërore sot. Kundërshtarët politikë nuk janë armiqtë tanë dhe sjellja barbare i bën të baraz-fajshme të dyja krahët’, shkruan Hajdari, teksa mbeten edhe 2 orë nga fillimi i protestës së opozitës, që siç është thënë, këtë herë do jetë thjesht marshim paqësor.