Sërish luftë në Kosovë? Ja çfarë urdhëron Vuçiç

Pas aksionit në Mitrovicë ka reaguar edhe Presidenti i Serbisë, Aleksandër Vuçiç i cili urdhëroi që të gjitha njësitë ushtarake të jenë në gjendje gatishmërie të plotë, njofton Telegraf.

Vuçiç gjithashtu u kërkoi qendrave politike perëndimore që të ndalin Prishtinën dhe u ka bërë të qartë se Serbia nuk do të lejojë pastrimin etnik në Kosovë.

Sipas Telegrafit, Vuçiç po pret çdo lloj ndihme dhe mbështetje nga aleatët, Rusia dhe Kina, raporton Tanjug.

Mediat kosovare flasin për disa të arrestuar, mes tyre edhe zyrtarë policie nga Kosova dhe Serbia që të gjithë persona të dyshuar se janë përfshirë në “krim të organizuar” dhe vepra të tjera penale.

Gjithashtu janë plagosur edhe dy efektivë policie që nuk dihet ende nëse janë serbë apo kosovarë. /Gazeta Liberale