Shkencëtarët zbulojnë kokainë te karkalecat e detit

Gjatë një studimi te karkalecat e detit shkencëtarët kanë zbuluar kokainë dhe disa lloje të tjera drogërash.

Studimi është kryer nga disa kërkues të kolegjit King në Londër, në bashkëpunim me universitetin e Suffolk-ut, duke testuar 15 vende të ndryshme përtej Suffolk-ut.

Në raportin e përpiluar prej tyre thuhet se është gjetur kokainë në të gjitha provëzat e testuara, – raporton BBC.

Një nga studiuesit, professor Nic Bury nga universiteti i Suffolk-ut, tha se prezenca e kokainës në gjallesat ujore është një çështje studimore për këtë universitet.

Sipas tij, kjo mund të jetë një ngjarje më e përhapur në Britaninë e Madhe ose edhe më tej, por priten kërkime të mëtejshme.

Ekipi kërkimor deklaroi se përveç kokainës, janë gjetur edhe lloje të ndryshme drogërash të tjera, si ketamina. Ky studim, për kërkuesit ishte një “surprizë”.

Ata shtuan se përveç drogës, ndodheshin gjithashtu pesticide dhe produkte farmaceutike brenda karkalecave që ata kishin mbledhur./ Gazeta Liberale